PUISIKU

DOA SEBELUM BERDOSA

Tuhan, jika Engkau memang ada
Izinkan aku berdosa sekali lagi…kali ini saja
Siapa tahu waktu saya mati nanti, tidak ada surga dan neraka
Jiwa saya akan menyesal
Kenapa dulu hidup saya tidak berbuat banyak dosa

Jikalau saya seorang politikus
Bantulah saya untuk benar-benar menjadi tikus
Yang sukanya mencari lubang untuk mencuri
Anggaran negara dan uang rakyat

Jikalau saya seorang wakil rakyat
Buatlah saya pintar menipu rakyat
Yang telah memilih saya
Dan bukalah otak saya untuk pintar menulis
Hukum dan undang-undang yang menekan rakyat

Jika saya seorang pemimpin partai
Berilah saya kepintaran untuk berbohong
Pada saat kampanye pemilu
Dan kemampuan untuk tetap berbohong dan mengingkari janji kampanye
Bila sudah terpilih menjadi pejabat


Jikalau saya seorang menteri
Saya hanya minta satu:
Kemampuan untuk menyalahgunakan kekuasaan dan keuangan
Biar saya kaya kalau sesudah lima tahun saya diganti nanti

Jika saya seorang pengusaha
Izinkan saya memperbudak para pekerja saya
Agar keuntungan perusahaan saya berlipat ganda
Dan kehidupan para buruh saya tetap susah

Jika saya seorang polisi
Biarlah saya melanggar peraturan
Yang penting orang lain menta’ati peraturan

Kalau saya seorang tentara…
Saya mau membantu pemerintah
Menyiksa dan membunuh orang yang mau melawan pemerintah

Jika saya seorang pelacur
Ajarkan saya untuk menikmati semua pengalaman ditiduri
Merasakan semua sentuhan binal
Merasakan surga dunia yang terlarang

Tetapi Tuhan
Saya hanya mohon satu hal:
Jangan jadikan saya seperti kangkung Kaikoli
Sudah dipotong….diikat…dijual lagi
Jangan Tuhan…jangan. Amen

Mate Hamnasa Ho Maun Frans

ATENSAUN: Kontiudu balun husi seksaun ida ne'e la apropriadu ba ema idade 16 mai karaik atu le'e.


Iha loron ida, lekirauk oan ida tur halimar hela ho nia inan. Lekirauk oan hateke ba nia inan no husu: “Ama, tanba saida mak ita nia oin at los hanesan ne’e?”

Ho kalma lekirauk inan hatan: “Oan doben, ita tenki agradese ba Maromak tanba ita nia oin ne’e diak liu fali ema ida agora le’e hela istoria ne’e.”

*********************

Lorokraik ida, tuku tolu. Loron manas los. Tiu Kelu la’o hela iha tasi ibun iha Oe-Kusi. La kleur, nia hare nia viziñu Tia Mala mos la’o hela. To’o iha Tia Mala nia oin, Tiu Kelu kumprimenta: “Bomdia!”
Oin kontente los tanba Tiu Kelu kumprimenta nia ho Portugues, Tia Mala mos hatan: “Boa Noite!”


**********************

Iha klase ida, Profesora Anita hanorin hela Matematika. Nia husu ba nia alunus sira: “Dua tambah tiga ne’e hira?”
La iha alunu ida mak hatan; hotu-hotu nonok. Profesora Anita hateke ba Antonio mak tu’ur hela iha kotuk: “Atoy, sei iha hudi rua aumenta tan ho hudi tolu, sura hamutuk hira?”
Antonio husu fali profesora: “Hudi tasak ka hudi matak profesora?”
Profesora: “Tasak.”
Antonio: “Hudi tasak entaun hau han tiha ka, ba sibuk sura fali halo saida!”

***********************

Loron ida fahi inan tu’ur ho nia oan ida hateke hela fahi oan sira seluk halimar.
Fahi oan husu ba nia inan: “Ama, tan saida mak Ama fulun metan deit, to’o ami fulun kor oi-oin deit. Balun mutin, hau mean, balun fali metan, balun riska-riska tan?”
Fahi inan hateke nia oan, ho oin hamnasa uitoan nia dehan: “Oan, mama mos la hatene los tanba o nia apa sira ne’e mai husi kotuk deit be’e, mama la hatene los ida ne’ebe mak mutin, ne’ebe mak metan, ne’ebe mak risks-riska.”

***********************

Loron ida iha eskola, Prof. Andre fo ezersisiu matematika ki'ik ida ba nia alunu sira. Klase laran nonok los, tanba estudante sira konsentrasaun maka'as atu hatan pergunta sira. Maibe Prof. Andre hare'e estudante ida nia fadigadu hela tau kaben ba nia liman no kose ba nia ulun. Prof. Andre hakfodak ho buat ne'ebe nia alunu ne'e halo. Tan ne'e, nia hakbesik ba labaraik ne'e no husu: "O nusa mak o nia kolega sira seluk sibuk hatan pergunta sira, o tau fali kaben ba o nia ulun?"
Labarik ne'e hakfodak uitoan, hateke sa'e ba Prof. Andre no dehan: "Deskulpa mestre, hau estuda matematika ne'e la tama ida. Ne'e mak hau halo tuir buat ne'ebe mama haruka papa atu halo. Hourikalan hau rona papa dehan ba mama: la tama ida. Ne'e be'e mama dehan ba papa: tau kaben par bele tama."

***********************

Maria foin lakon nia doben Antonio tanba nia tenki ba rai do’ok. Molok atu ba, Maria akompaña Antonio ba aeroportu. Fila fali, wainhira kalan toba, Maria tanis los. Husi sorin Maria nia maun João rona hela nia.
La kleur, ho lian kotu-kotu, matan-ben ho inus-ben kahur hamutuk, Maria koalia neineik: “Atoy, ohin ne’e o iha leten hau iha karaik…”
João hakfodak atu mate, hanoin nia alin halo buat a’at ona ho Antonio lekirauk ne’e. Nia hakilar: “Maria! Imi nai rua halo saida mak nia iha leten o iha karaik?”
“Lae Maun, Atoy sa’e aviaun, hau iha rai deit,” Maria hatan.
João sente hakmatek. Toba fali. La kleur….Maria sei tanis nafatin no lian sai neineik: “Atoy, ohin ne’e, o kaer hau nian, hau kaer o nian.”
João hanesan eletrisidade mak soke. Nia husu, “Maria, o ho lekirauk ne’e halo saida mak nia kaer o nian o kaer ninian?”
Maria hatan, “Lae ida sa Maun, ami nai rua kaer liman.”
“Toba ona. Tanis hanoin fali fahi ne’e halo saida?” Joao koalia ho hirus.
Liu tiha minutu balun…
“Atoy, ohin ne’e la kleur o nia ben sai haunian mos ben sai.”
Dala ida ne’e, João hanesan rai lakan mak kona nia. Nia haksoit tun husi nia kama, ba Maria nia kuartu no husu ho lian hirus los, “Heh labarik! Antonio halo saida ba o mak la kleur imi nia ben sai?”
Ho tauk, Maria hatan, “La halo buat ida Maun. Ami nain rua tanis. Matan-ben mak sai.”

*************************

Loron ida Tiu Maukoli tu’un mai Dili husi Maubisse. Nia presiza vizita nia oan iha Becora. Tun husi bis iha Halilaran, nia la hatene oinsa atu bele ba to’o Becora. Nia hamri’ik bila’an hateke tun sa’e. Husi do’ok nia hare ema ida – ne’ebe naran Toto - la’o. Tiu Maukoli halai lalais ba hakbesik ba Toto.
“Ai Maudia, aisuda netik hau lai. Hau phoin tun mai husi poho be’e, la hatene ba Becora ne’e atu ba ho sa’ida,” Tiu Maukoli nia oin halerik los ba Toto.
“Gampang hela sa Tiu, hein deit Taxi iha ne’e. Kuandu Taxi mamuk ruma liu, para, hatete deit nia atu lori Tiu ba Becora.”
Tiu Maukoli kontente los. “Obrigadu barak oan. Maromak tulun ita.”
Toto liu.
Liu tiha oras rua hanesan ne’e, Toto mai fali, nia hare’e Tiu Maukoli sei hamrik hela iha nia fatin. Nia hakfodak, tan ne’e nia ba besik Tiu Maukoli no husu: “Tiu, seidauk hetan Taxi ka?”
Tiu Maukoli, oin halerik nafatin dehan, “Oan, hau hein ohin kedas taski mamuk la iha. Barak mak liu duni husi ne’e maibe sempre iha ema ida iha laran.”
Rona tiha ne’e, Toto tahan hamnasa la bele no esplika ba Tiu Maukoli: “Tiu, ema ida iha laran ne’e kondutor. Nia mak kaer kareta par bele hodi Tiu ba to’o Becora.”

************************

Bulak nain tolu tama rumah sakit jiwa. Hafoin tinan ida, doutor hakarak koko sira atu hare’e se mak diak ona atu bele fila ba uma. Nia bolu sira ida-idak.
Bulak I
Doutor: “Dua kali tiga ne’e hira?”
Bulak I hateke doutor nia oin depois hamnasa no dehan: “O koko hau karik. Buat gampang bo’ot ne’e. Dua kali tiga delapan to?”
Doutor: “Hmmmm…sei bulak hela. O seidauk bele fila.”
Nia bolu fali Bulak II.
Doutor: “O hatene ka lae, dua kali tiga ne’e hira?”
Bulak II hare tun sae depois dehan: “Ne’e so maufak deit mak la hatene. Dua kali tiga ne’e sembilan!”
Doutor haruka mos nia atu la bele fila ba uma.
Nia bolu fali bulak III.
“Dua kali tiga ne’e hira?’ nia husu.
“Ah, doutor, ne'e kan enam!” bulak III hatan
Doutor kontente no dehan ba nia: “Ah, o bele fila ba uma ona.”
Nia haruka bulak ne’e ba prepara nia sasan, hafoin tula nia ba nia uma.
To’o iha nia uma oin, molok atu tun husi kareta, bulak fila oin hateke doutor no dehan: “Doutor, ohin hau hatan enam ne’e hau nia hanoin deit mak ne’e, mais buat ne’e lo-los sepuluh to?”

***************************

Labarik na’in tolu iha sira nia uma lor-loron barullu hela deit. Sira sempre istori malu. To’o loron ida, sira nia pai tahan hirus la bele ona, nia kastigu sira na’in tolu.
“Imi nain tolu la bele koalia oras rua, nein lia fuan ida. Mai forma iha ne’e, hamri’ik nonok. Hau la kohi rona ida nia lian sai sei lae nia mate!”
Nia liman kaer hela rota bo’ot ida atu baku sira kuandu sira nia lian sai.
Labarik na’in tolu mos halo tuir sira nia pai nia orden.
Hamrik tiha minutu sanulu hanesan ne’e, sira na’in tolu hateke malu, oin buis los.
Maibe la kleur deit, “Hau sa la koalia ida mak ne’e!” ida hamri’ik iha ninin ne’e hatete.
“Keta koalia o ne’e!” ida klaran hatan.
Ida terseiru hateke sira nai rua, taka tiha nia ibun uitoan, dehan, “Ai, sorti hau la koalia ida!”

***************************

Ajio nia kolega diak João ba pasiar iha Australia foin fila. Hasoru Ajiu iha dalan, Ajiu hakfodak tanba João agora jeitu oin seluk los; tau oklu metan bo’ot, fu’uk pinta no tau jel. Ajio huso João: “Ajon, o ba ne’ebe deit mak fulan hira ona hau nunka hare o ne’e? Agora o mos oin seluk los.”
João: “Ah, biasa Bro, hau pasiar ho hau nia maen iha Darwin.”
Ajio hakfodak: “Aih, entaun agora o Inglês mos perigu ona.”
João: “Ne ka! Be o hakarak ita hanesan uluk bei-beik ka? Tuir perubahan uitoan. Inglês ne’e penting Bro!”
Ajio: “Entaun sepuluh ne’e Inglês dehan saida?”
João: Ten!”
Ajio: “Dua puluh?”
João: “Ten ten”
Ajio: “Seratus?”
João: “Ten tededen tededen ten ten…tededen tededen ten ten….”

*****************************

Kondutor Indonezia ida naran Sugiman, hodi turista Japones ida ne’ebe bele koalia Bahasa Indonesia la’o pasiar haleu Jakarta. Sugiman admira lo’os turista husi Japaun ne’e tanba nia rona dehan ema Japones sira matenek.
To’o tempu han meiodia, sira tama restorante atu han. Han hotu, Sugiman fuma sigaru.
Turista Japones ne’e hemu Coca Cola.
La kleur turista ne’e husu Sugiman: “Di Indonesia, rokok sehabis dihisap, puntungnya diapakan?”
Sugiman: “Yah, dibuang dong! Emang mau diapain lagi?”
Turista: “Kalau di Jepang, rokok habis dihisap, puntungnya dikumpulkan, didaur ulang jadi rokok baru, kemudian dikirim ke Indonesia!”
Sugiman hakfodak. Nia hanoin, ema Japaun sira ne’e matenek duni.
Turista ne’e husu tan: “Di Indonesia, Coca Cola sehabis diminum, kalengnya diapakan?”
Sugiman: “Yah, dibuang to! Mau diapain lagi, udah kosong begitu!”
Turista: “Kalau di Jepang, sehabis diminum kalengnya didaur ulang, diisi Coca Cola lagi, kemudian dikirim ke Indonesia!”
Sugiman komesa sente la diak ona. Nia hanoin, Japones sira halo fali Indonesia hanesan soe foer fatin. “Agora Indonesia lakon 2-0 ona,” Sugiman hanoin.
Sugiman mos hare ba turista ne’e no husu: “Kalau di Jepang, kondom sesudah habis dipakai, diapakan Sir?”
Turista: “Yang pasti dibuang. Itu kan sudah kotor.”
Sugiman: “Wah, kalau di Indonesia Sir, kondom sesudah dipakai, didaur ulang, dijadikan permen karet, lalu dikirim ke Jepang!”

*****************************

Uluk sei tempu Indonezia, iha eleisaun ida Menteri Penerangan Harmoko mak mai Timor atu kampanye ba Golkar. Wainhira atu kampanye iha desa ida iha Aileu, Bupati Aileu laran susar lo’os tanba povo iha ne’eba kuaze buta huruf hotu no la hatene Bahasa Indonesia. Tan ne’e nia bolu kepala desa, atu fo instrusaun ba nia.
“O hanorin didiak povo sira ne’e atu hatan deit Golkar kuandu Menteri Harmoko husu buat ruma,” dehan bupati ba kepala desa. Kepala desa doko ulun no hatan bupati: “Beres hela Pak Bupati!”
“Lalika temi partai seluk nia naran sei lae ita bele mate. Sira mak temi sala partai seluk nia naran, bapa sira oho kedas ita.”
“Beres Pak Bupati. Ne'e Pak Bupati la bele khawatir ida.” Kepala desa afirma tan.
To’o loron kampanye, povo halibur hotu iha kampu futebol.
Harmoko koalia maka’as husi palku leten: “Bapak-bapak, ibu-ibu, di Indonesia sekarang sudah ada jalan raya kemana-mana, rakyat di desa tidak susah lagi ke kota. Siapa yang bikin jalan raya?”
Povo: “Golkaaaaarrrrr!”
Harmoko: “Terimakasih bapak dan ibu yang terkasih. Di Indonesia sekarang sudah ada sekolah di semua desa, anak-anak kita sudah tidak susah lagi ke sekolah. Siapa yang bangun sekolah bapak dan ibu sekalian?”
Povo: “Golkaaaaaaarrrrrrr!”
Harmoko: “Sekali lagi terimakasih. Anda-anda semua benar-benar rakyat Indonesia yang berpancasilais. Saya mau tanya lagi. Di Indonesia sekarang sudah banyak sekali sarjana yang pintar-pintar. Siapa yang kasih uang agar mereka bisa sekolah sampai jadi sarjana?”
Povo: “Golkaaaaaaaaaaarrrrrrrrrrrrrr!”
Harmoko: “Bagus bapak dan ibu sekalian. Kalian yang di desa terpencil saja tau bahwa Golkar yang bikin jalan raya, bangun sekolah, menyekolahkan anak-anak untuk bisa jadi sarjana. Tapi masih ada juga oknum-oknum tidak bertanggungjawab yang menuduh Golkar korupsi. Sekarang saya mau tanya, siapa yang korupsi?”
Povo: “Golkaaaaaaaaaaaaaaaaaaaaaaaaarrrrrrrrrrrrrrrrrrrrrrrrrrrrrrrrrrr!”

****************************

Tiu Toniko tama hare sasan iha loja Sina Vietnam iha Kolmera. Pelayan ida ba hakbesik nia atu husu nia presiza sosa saida. Tiu Toniko foti relojio ida no hare. Pelayan ne’e hatete nia katak sasan sira ne’e folin karun maibe uza la kleur la diak ona.
La kleur, nia patraun Sina Vietnam mos hakbesik ba Tiu Toniku no husu: “Kolega, dia tadi bilang halga balapa? Jam ini bagu sakali, balu datang dari Singapula. Halganya mula-mula kolega!”
Maibe antes Tiu Toniku hatan, pelayan hatan uluk: “Tidak Patraun, saya belum beritahu harga. Saya tadi juga bilang jam ini bagus sekali.”
Sina Vietnam kontente lo’os tanba nia pelayan ne’e matenek ona promosi sasan.
Tiu Toniku ho oin hamnasa uitoan baku matan ba pelayan no dehan ba Sina Vietnam: “Telus tadi dia bilang, balang ini pake satu hali lusak tiga kali!”

********************************

Sina Xing Fu haruka nia kriadu Maukore atu bolu nia kriadu maluk Mautersa husi Bobonaro. Maukore buka Mautersa maibe la hetan. Tan ne’e, Xing Fu hameno atu haruka Mautersa ba hein ro ahi iha pontekais tasi ibun tanba Xing Fu presiza ba hasoru ema sira ne’ebe mai ho ro ahi ne’e.
Hetan tiha Mautersa, Maukore dehan ba nia: “Patraun dehan o ba tasi ibun, kuandu hare ro mai to’o, o mai hatete lalais patraun par nia ba.”
Mautersa: “Diak!” Mautersa ho kontente halai ba tasi ibun hein ro ne’e.
Liu tiha oras ida: “Do mai ona patdaun!” Mautersa ho i’is kotu-kotu tanba halai maka’as, hatete ba Xing Fu.
“Beikten, o ne iha ne’e besik tinan sanulu ona mos beik nafatin. Halo moe hau deit. Ida mai ne’e laos do maibe lo!”

*********************************

Iha 1999, Tio Joao atu ba Oe-Cusse ho aviaun UN. Wainhira ba check-in iha aeroportu Comoro, Tio Joao nota katak pasanjeiru sira seluk wainhira check-in hotu tiha, foti buat ida husi kaixa ne’ebe tau hela iha besik fatin check-in. To’o nia, nia mos halo tuir deit. Nia foti ida no hare’e buat ne’ebe nia foti ne’e.
“Malae sira ne’e laran diak duni pa! Sira fo ita sa’e aviaun gratis, fo tan ita hahan mos gratis,” Tiu Joao hanoin iha nia laran.
To’o aviaun laran, antes atu semo, pilotu aviaun hamri’ik iha pasanjeiru sira nia oin atu esplika oinsa uza sasan sira iha aviaun laran. Hafoin esplika kona-ba oinsa uza sintu seguransa, pilotu foti plastiku ida hanesan ida ne’ebe Tiu Joao foti iha aeroporto. Nia les plastiku ne’e, hasai esponza ki’ik rua husi plastiku ne’e nia laran no esplika kona-ba oinsa atu tau ba tilun ku’ak hodi bele hamenus aviaun nia lian.
Molok remata nia esplikasaun, Tiu Joao fila ba pasanjeiru ne’ebe tu’ur iha nia sorin no husu ho moe: “Oh, buat ne’eba ne’e tau fali tilun ka? Iha fatin la midar ida.”
Ema ne’e dehan: “Sim, be Tiu nian iha ne’ebe?”
Tiu Joao: “Hau ohin hanoin buat ne’e suminggal be hau han tiha.”

CERPEN - KOLEKSIKU

FUAN KADUAK

Istoria: Amkono Corbafo
Ilustrasaun: Fandy

“Hei…....imi halo sa’ida, keta halai!” mane na’in ha’at, mosu husi ai-hun bo’ot ida nia kotuk, husi fatin ne’ebe Dela ho Leo tu’ur namora iha fatin fuik ida besik tasi ibun.

Leo hamri’ik lalais, bainhira Dela koko halai, katuas ho idade ida hakilar, “Keta halai labarik!” no katuas ne’e konsege kaer Dela. Leo oin taridu tebes. Wainhira mane na’in tolu seluk hakat mai tuku-tebe nia, nia la sente moras no halai lais ba proteje Dela tanba hirus bo’ot hateke Dela hetan tuku-tebe husi katuas ne’e.

Leo salva-a’an halai tiha bainhira rona katak mane ne’ebe nia baku ho ai-tomak ida to’o dezmaia ne’e Dela ninia papa.

******************

Leo buka kedas bis atu fila ba Dili ho Flora iha loro-kraik ne’e. Nia hateke sai hela husi bis, bainhira Flora lian sai husi kadeira sorin, “Haluha tiha Dela tanba se o fila ba hasoru nia, ne’e hanesan deit ho oho-an”.

Leo fila oin no dehan, “Sira la hatene se hau hadomi duni Dela. Sira atrazadu liu pa!”

Leo foin kompriende lo-los kona ba istoria bai-bain familia feto sempre kaer mane ne’ebe lori sira nia oan feto ba fatin fuik ruma atu namora.

Flora kontinua,“Hau hatete tiha ona ba o, ohin imi la bele la’o sai ba namora fali iha fatin fuik.”

Leo korta kedas,”Mas ami la halo seks, ami namora hanesan bai-bain ema namora.” Flora nonok deit, tanba Leo halo lian maka’as uitoan.

Semana uluk, Leo husu ba Flora atu lori nia ba vizita ninia namorada foun, Dela, iha Kulukisa, tanba Flora mos ema husi neba. Flora mak Leo ninia belun diak.

Leo kuñese Flora iha universidade. Mane-oan hotu iha universidade, duni tuir atu namora ho Flora, tanba Flora ne’ebe uluk Leo husu atu sai ninia namora bainhira fofoun tama iha universidade, sempre hatan lakohi no hakarak sai belun deit. Uluk Leo ninia domin mak demais liu ba Flora, nune’e Leo tenta atu maske la’os sai nudar ninia namorada maibe sai belun diak ida tuir Flora nia hakarak. No oras ne’e sira na’in rua sai duni belun diak tebes.

Flora ho oin nebe la hakmatek ke’e tan,”Hau duvida, tanba Dela ninia papa sei la baku maka’as hanesan ne’e, se imi koalia ba malu deit bainhira namora. Parese sira kaer toman o nia liman halai tun-sa’e karik?”

Flora matan ikun baku ba Leo, dudu ibun tutun ba oin, bainhira Leo hatan,”Tempu neba hau haku’ak, rei no hau kumu hela nia liman, maibe ne’e normal.”

Soe oin ba li’ur, hasai ninia laran nisik hodi hola anin husi janela bis nian, Flora dada i’is naruk, no lakleur nia hatete,”Hakuak, rei, kumu-liman ne’e buat bai-bain ba ema ne’ebe moris iha Dili neba, maibe iha foho, barak liu mak la’os hahalok bai-bain. So ba kaben na’in sira deit.”

Leo nonok, nia kompriende maibe reza iha nia laran,”Oh maromak, tulun Dela ba.” Leo dada-a’an lalais bainhira hakarak koalia sai saida mak nia rai hela iha laran. Hateke ba Flora nia matan, Leo koalia iha nia laran,”Hau laran monu los ba Dela, hanesan lolos uluk hau monu ba o!” Leo hakarak los atu hetan Dela, ne’e tanba Leo gosta Flora demais liu ona.

Tanba sei hatete lo-los, Dela-Flora haree hanesan kaduak, maske tuir Leo, Dela mak bonita liu tanba la’os deit matenek, oin midar no matan hakmatek hanesan ho Flora maibe Dela ninia hasan sempre kuak bainhira hamnasa. Dela ne’ebe Leo fiar katak Maromak haruka espesial ba nia atu bele totalmente haluha tiha Flora, derepente lakon tanba akontesimentu ohin.

Sira na’in rua nonok deit iha bis laran, la hanesan bai-bain bainhira kuandu koalia hamnasa no bo’ok malu la para.

Tu’un husi kareta, Flora hamnasa siniku deit ba Leo no la’o ba loke portaun tama ba ninia uma. Sofer kareta gas maka’as uit-oan atu lori Leo do’ok husi Flora ninia uma, maibe lian kareta nebe maka’as, halo Leo sente fali hanesan rai-lakan, bee nakali, ka ema ruma ko’a halimar ninia fuan. La hatene saida mak ne’e, maibe nia la bele hanoin lo-los saida mak nia bele halo, nia hakilar, “Hala’i neneik! Para! Para lalais,” derepente Leo kaer sofer ne’e nia faru no hakilar. Sofer buka fatin atu para iha luron ninin. “Hau selu o, la’os atu lori fali hau ba mate!” dehan tiha ne’e, Leo hakat sai no la’o lalais, la selu tan sofer taksi.

****************

Flora la’o lalais bainhira tama ba uma-laran, loke nia kuartu, hahu ho mata-wen suli la para. Iha ninia diary, letra bo’ot hada ho lia-fuan ne’e: “Deskulpa Leo, hau hanoin sala kona ba o. Oras ne’e, hau hakarak los namora ho o, maibe hau sei la bele husu se o nia domin sei iha mai hau. Hau moe teb-tebes tanba besik dala atus ida ona, o hatete o nia domin maibe hau nunka simu”. Flora loke tomak ninia sentimentu iha diary nebe so nia mesak deit mak hatene.

Semana rua liu ona, Flora halo-a’an baruk los bainhira Leo dada nia atu la’o halimar ka koalia ho nia. “Karik Flora sei hirus tanba akontesimentu iha Kulukisa neba”. Leo hanoin iha laran no koko dada fali Flora atu soe tiha ninia hirus.

Liu fulan tolu, situasaun Flora-Leo fila ba normal. Sira komesa habelun malu diak tebes maibe Flora ninia domin komesa la bele kontrola ona, nia hein los bainhira Leo atu hatete se Leo sei gosta hela nia.

Dala ida, Leo dada Flora ba fatin mamuk ida, kaer tiha Flora ninia liman, nia dehan, “Flora, hau hadomi o, hanesan los hau nia alin feto ida, favor o la’o hamutuk ho ami sa’e ba Ramelau”. Flora nebe ohin kontente tanba hanoin karik Leo dada atu hatete ninia domin maibe la’os. Flora hanoin tiha kuaze minutu lima no nia hatan bainhira ain hakat la’o dok no sai husi fatin neba. “Hau hadomi o, hanesan hau nia maun ida. Hau hakarak tuir imi atu sa’e Ramelau”.

Flora klamar semo, ninia mata-wen suli kontente iha Leo ninia kabas bainhira Leo halai mai hakuak metin nia ba premeira vez bainhira nia dehan hakarak atu ba hamutuk sa’e ba Ramelau. Flora haluha husik Leo bainhira hakuak nia no ho avontade hasai ninia mata-wen iha Leo ninia kabas kotuk.

Maibe derepente Leo dehan,”Flora, hau kontente los, tanba Dela oras ne’e eskola ona iha Dili.”

Flora hakfodak no hamamar nia hakuak no besik atu husik, nia tahan atu rona liu tan. “Flora, Dela ne’ebe feto ne’ebe interesante tebes, feto ne’ebe matenek liu iha mundu, no domin ne’e ninia bot lo-los deit domin Napoleon ho Josephine nian”.

Flora ninia matan musan hateke metin los ba Leo no buka atu tahan ninia ibun ne’ebe hakarak hakilar maka’as no sai hamutuk ho mata-wen ne’ebe nakonu los ona iha matan ninin bainhira Leo aumenta tan,”Hau nia domin ba nia lolos deit domin ba o.” Sorti Leo ninia HP lian, Flora uza liman fo sinal katak nia hakarak fila lai no komesa hakat sai.

Koalia hotu tiha iha telefone, Leo halai lalais buka Flora, buka ba-mai la hetan, “Flora halai deit ba para taksi, taka nia oin tomak. Karik nia tanis, ” Flora nia kolega feto ida haktuir.

No Leo konfuzaun hodi husu, “Tanis?”

Leo ba hasoru Dela, maibe la hanesan bai-bain tanba Leo hakarak deskobre saida mak oras ne’e Flora sente. “Hei! O hanoin saida hah!“ Dela fanun Leo husi mehi. Ho oin hamnasa, Leo koko bosok, “Hanoin hela sei aban bai-rua hau hasoru fali o nia papa, oinsa los?”

Semana ida ne’e nia laran Leo konfuzaun bainhira foin konsege deskobre husi Flora ninia matan ne’ebe husu los ba Leo atu hatete hikas domin nebe uluk nia iha maske nia seidauk fiar lo-los. Maibe oinsa ho Dela nia prezensa. Leo hatene klaru sei nia tenke kuidadu teb-tebes, se lae nia bele lakon rua ne’e hotu.

Flora koko atu ses-a’an liu tan husi Leo, tan nia lakohi halo feto maluk tristi. To’o loron atu sa’e ba Ramelau, Flora hit pasta sa’e, hateke ba Leo ho Dela tur iha kadeira liña ida iha bis laran. Leo ho Flora hateke malu matan ikun deit, laiha lia-fuan sai husi sira ninia ibun. Leo mak bele fera ninia situasaun ho hatan ka koko koalia ho Dela, maibe Flora, nonok los, sorti dukur mak ajuda nia haluha situasaun la hakmatek.

Leo tahan la bele nia hamri’ik no liman buka besi kaer-fatin atu hakat besik hodi koalia ho Flora bainhira hateke Flora hader ona husi toba. Hateke ba Flora, Leo dehan, “Hau kontente o bele tuir mai.” Flora haka’as-a’an halo oin hamnasa, no nia haruka Leo, “Ba hamaluk Dela, o mai fali ne’e halo sa’ida?”

“Hau la hakmatek se hau la koalia ho o,” Leo hatan.

Oras ne’e hanoin kona deit Flora, Leo nia laran hanesan los deit laloran, sa tan hare’e hela nia. Maibe Leo mos laran monu los ona ba Dela. Bele halo nusa mos, nia sei lakohi husik ona Dela maske nia mos sei la bele haluha Flora.

Iha fulan ha’at ona Leo hamutuk fali ho Dela dezde loron ikus, hafoin akontesimentu fatin fuik fulan walu liu ba iha Kulukisa. Dela ne’ebe Leo hasoru iha soru-mutu diskusaun joventude ida iha Dili, iha tinan ida ho balun liu ba, Leo laran monu kedas tanba Dela mosu ho espresaun oin-seluk, ativu tebes iha diskusaun no matenek. Ninia oin no isin perfeitu tebes no han malu los ho ninia matenek, hanesan lolos Flora. Mosu kedas iha Leo ninia hanoin no espiritu atu buka tuir se mak feto oan ne’e, no haka’as-a’an atu bele namora ho nia tanba Flora lakohi los no Dela mak bele reduz ninia hanoin no domin ba Flora. Susar atu koalia ho Dela tanba nia la eskola ona tanba osan. Dala ruma deit mak Dela tun mai Dili tanba nia hela iha Kulukisa. Leo tenki serbisu maka’as atu manan tiha Dela nia domin husi joven atus nebe buka namora mos ho Dela iha Dili laran. Maske todan tanba Dela ne’e feto-oan ne’ebe la naran koalia ka simu diak mane foun. Dela sempre kuidadu ho mane. Maibe Leo la desperadu, nia buka tuir atu hasoru Dela, to’o loron ida nia konsege hamaluk Dela ba tuir misa peregrinasaun ida. Sira koalia barak kona ba moris no Maromak, komesa toman malu. Bolu malu bebeik iha soru-mutu importante barak husi guvernu, ONG sira no ikus Dela mos laran monu ba Leo

Dela lakohi hanoin tan atu hetan mane seluk no kaer metin Leo iha nia laran. Maske hetan baku maka’as husi ninia papa, iha akontesimentu Kulukisa no maske hatene konsekuensia bo’ot se nia namora ho Leo, tanba Leo baku ninia papa ho ai maran ida to’o dezmaia, Dela sei hakarak buka Leo iha Dili bainhira fila mai atu eskola fali.

******************

Leo ho ligadura iha ulun, tur le’e hela diary Flora nian, ho mata-wen nakonu no Flora ho ain-tohar, sei toba hela iha kama emerjensia hospital tanba bis nebe sira aluga ba Ramelau baku fila ho sira. Joven na’in lima mak mate no seluk hetan kanek. Dela la hetan kanek maibe sei trauma tebes ho asidente neba. Leo hetan kanek iha ulun tanba vidru janela mak ko’a.

Leo foti Flora ninia diary bainhira monu lekar los iha bis laran. No bainhira loke, nia haree kedas ninia naran hada sa’e malu nakonu iha livru ne’e nia laran.

Leo oras ne’e ninia fuan hamri’ik los iha dalan fahe, atu hadomi Dela ka Flora. Maibe nia la nega sei Flora mak sei domina hela ninia fuan.

Liu fulan ida, Leo sente, nia tenke foti desizaun atu metin ho Dela ka Flora. Sai husi uma, nia hanesan los mate klamar tanba kalan la toba no oin namkurut hanoin ida ne’ebe mak nia sei hili. Nia tur los iha dalan fahe entre estrada ba Dela ka ba Flora. Flora ne’ebe nia fiar katak totalmente ain-aat ona, la iha efeitu ruma ba ninia domin.

Nia la’o taka matan bainhira foti desizaun ikus, to’o portaun ne’eba, Leo halai lalais tama. “Flora. Leo mai ne’eba ne’e!” Flora ninia mama bolu Flora wainhira hateke kois mai Leo. Leo haree hetan, Flora hakfodak hateke husi varanda ne’eba. Ninia oin la du’un midar ona hanesan uluk.

“Flora, o diak hela ka?” Flora doko deit ulun, hafoin ho lalais Leo loke ninia pasta no hasai Flora nia diary. Flora foin mak atu hakfodak tanba haree ninia diariu Leo mak foti, Leo haku’ak metin tiha ona nia, la husik no bis-bisi iha nia tilun, “Favor Flora, hau sei hadomi tebes o.”

Rona lia-fuan ne’e, Flora ninia espiritu moris iha fali ona tanba nia nunka hanoin sei Leo sei hakarak atu namora ho nia ho ninia kondisaun ida oras ne’e dadaun.

Flora lian sai, “Lae Leo….labele tanba Dela hein hela o.”

“Dela mak haruka hau mai buka o,” Leo hatan,.

“Leo husik hau mak triste deit ona, keta aumenta ema seluk”.

Sira koalia lia-fuan barak husi fuan ba fuan, la preokupa ho Flora ninia inan-aman ne’ebe la’o ba-mai hela sente la hakmatek ho sira ninia oan ninia situasaun.

Maske todan maibe Dela simu, tanba Dela mos konsege foti no lee diary Flora nian ne’e bainhira haree kois iha Leo ninia pasta. Dela tama buka Flora ho mane-oan seluk ida. Ninia namorada foun. Maske Flora no Leo hakfodak uitoan maibe sira koko atu hakmatek. Dela haka’as-a’an hamrik no hakuak Flora, no bainhira Dela hakat ba kotuk hakuak ninia doben foun, Leo hakbesik ninia ibun tutun ba Flora ninia ibun, ho domin. Sira kontente los.